එකවරක් පැරදුනා
කල නිසා ගොං වැඩක්
පොඩි උනුත් හිනැහෙනව
මේක මහ කරුමයක්
බොහෝ කල් ගතවෙලත්
නෑනෙ අමතක වෙලා
පරපුරෙන් පරපුරට
කියවෙනව පුන පුනා
ඉබ්බ පවු කියල මම
දුන්න පොඩි සප් එකක්
දෙන්නෙ නෑ පොඩි ඉඩක්
මෙහෙම වෙයි හිතුවනම්
මගේ පොඩි වරදකින්
පරපුරම චා උනා
ආයෙ නම් රේස් නෑ
මගෙ වයිෆ් එක්කවත්
පොද වැස්සට ලොබ බැඳ
වින්දෙමි සැපට සිරි පොද
වෙච්ච අසනීපෙට
බොන්න සිදුවුනි බෙහෙත් මසකට
හිතු නමුත් කිසිදින
නැවත නොතෙමෙන්නට
ආයෙ වැසි එනකොට
හිතම කියනව පල තෙමෙන්නට
කඩුවද තුලාවද දෝතින් දරාගෙන
දෑසද සොඳට රෙදි කඩකින් වසාගෙන
මනා ලෙසට යුක්තිය රැකි කන්‍යාවිය
පෙනෙනා ලෙසට ඇය දැන් සස්වාමිකය
කෑමෙන් හොඳ කෑම ඉල්ලාගෙන කෑම
බීමෙන් හොඳ බීම කෙලවෙන තුරු බීම
නෑමෙන් හොඳ නෑම මඩ ඇදගෙන නෑම
කෙරුමෙන් හොඳ කෙරුම දුදනට හොඳ කෙරුම
මිතුරන් නොම ඇති
වෙලාව නොම ඇති
දිවියක ඵල කිම
මිල මුදලුත් ඇති
මිනිසෙක් වෙන්නට
මුදලින් නොම හැකි
මුදලක් නැතිවද එය
නොම කල හැකි
පමණට මුදලත්
පමණට මිතුරත්
පමණට සැමෙකත්
එය වෙයි සොඳ දිවි
අම්මා පිට රට ගිය දින
නුඹත් එක්ක විරසක උන
පුංචි දුවට පෙනී යන්න
තවත් නො එන් ගුවන් යාන
සිමෙන්ති වැලි ගල් දෑතට හුරුවට
නුඹ වෙහෙසී මගෙ ගෙපැල සැදූවට
නුඹේ වෙහෙස සොච්චමකට සරි කොට
බරටම කුළි ගති ලොක්ක බලන් සිට
සිඟනෝ සිඟති මහමග යන එන අතරේ
චතුරයි කියන්නට දුක වැඩිකර මිතුරේ
දුගියන් සැබෑ දරමින් කුසයෙ ගින්දරේ
කාටත් අතනොපා නිහඬව හිඳි නිතරේ
තනිකඩ දිවිය වැනි තරු පිරි අමාවක
පෝ දින අහස මෙනි පැටලුන විට පෙමකහිරු වැඩි අහස මෙනි දීගෙක ගිය දිනකවැහිබර අහස මෙනි පසු අවුරුදු පහක
ඝන අඳුර දුරු කරන සඳ පහන ඔබ සබඳ
නියං සෑ දුරු කරන මහ වැස්ස ඔබ සබඳ
අතරමං ඔරුවකට පහන් ටැඹ ඔබ සබඳ
අඳුරු සිත අලු කරන සොඳුර වනු මැන නිබඳ
රෑ මැදියමට ඉරමල පායා ඒවා
අමාවකට පුරහඳ පායා ඒවා
මෝල් ගහෙත් දළු කපුටන් සුදු වේවා
ගුණ නැණ බලැති පාලකයින් බිහි වේවා
